Surghjenti - Esilii Di U Piali Lyrics






# A B C D E F G H I J K L M N O P Q R S T U V W X Y Z
Soundtracks






Surghjenti Lyrics

Esilii Di U Piali Lyrics

È s'è no' ci ghjuchessimu
À sfrumbulà ci l'anni
Par supra à l'Alta Rocca
Duv'iddu trizinighja
Un ventu di calcina ?

A cità andaria
In cima à i sonnia
Eu mi vistaria
Cun i linzola di issu tempu
È centu spoglii amati
Ùn ci poni dì nunda
Di ciò chì m'aspetta
À l'orlu di issa vita.
Bilanciu di a cursa
À u tempu arresu
Parchì ripiddà fiatu
Chì tarra ùn ci ne hè piu ?

Vicu un filu d'arghjenti
Cuddà in a mimoria
Una sponda scurdata
Nantu à un schiffu spaccatu :
Sarani stati mea
Issi ghjorna chì ùn sò più ?

L'isuli si sò lampati
Com'è casci asciutti
Alzati ad una ad una
Cascati ad una ad una.
Pruvonu milli volti
À cantà mi l'arrietta
Caduta in a cunchilia
Ch'eu vurristi svighjà
Ma hè chjuccuta a notti.




A B C D E F G H I J K L M N O P Q R S T U V W X Y Z #


 

Notice: All lyrics are the sole property of the indicated authors. Many lyrics have been transcribed by ear and may contain inaccuracies.